 |
|
|
|||||||||
|
|
|
Малая ектения
|
|
| Диакон: | Паки и паки миром Господу помолимся. |
| Хор: | Господи, помилуй. |
| Диакон: | Заступи, спаси, помилуй и сохрани нас, Боже, Твоею благодатию. |
| Хор: | Господи, помилуй. |
| Диакон: | Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим. |
| Хор: | Тебе, Господи. |
| Священник: | Яко Твоя держава, и Твое есть Царство и сила, и слава. Отца и Сына и Святаго Духа, ныне и присно и во веки веков. |
| Хор: | Аминь. |
| Хор: |
Г л а с 1
Разбойничо покаяние рай окраде, плач же мироносиц - радость возвести, яко
воскресл еси, Христе Боже, подаяй мирови велию милость. |
| Хор: |
Г л а с 2
По страсти шедшя во гроб жены, во еже помазати тело Твое,
Христе Боже, видеша ангелы во гробе, и ужасошася: глас бо слышаху от них,
яко воскресе Господь, даруя мирови велию милость! |
| Хор: |
Г л а с 3
Удивляя видением, орошая глаголании, блистаяйся ангел мироносицам глаголаше:
что Живаго ищете во гробе? воста истощивый гробы, тли
пременителя разумейте непременнаго; рцыте Богови; коль страшна дела Твоя,
яко род спасл еси человеческий! |
| Хор: |
Г л а с 4
Яже Твоего преславнаго востания, предтекшя мироносицы, апостолом проповедаху,
Христе, яко воскресл еси яко Бог, подая мирови велию милость. |
| Хор: |
Г л а с 5
Ангельским зраком ум смущающа и Божественным востанием душею просвещаемы,
мироносицы апостолом благовествоваху возвестите во языцех воскресение, Господу
содействующу чудесы, подающему нам велию милость! |
| Хор: |
Г л а с 6
Вольною и животворящею Твоею смертию, Христе, врата адова сокрушив яко Бог,
отверзл еси нам древний рай, и воскрес из мертвых, избавил еси от тления
живот наш! |
| Хор: |
Г л а с 7
Иже наш зрак восприемый, и претерпевый крест плотски, спаси мя воскресением
Твоим, Христе Боже, яко Человеколюбец! |
| Хор: |
Г л а с 8
Мироносицы Жизнодавца предстояща гробу, Владыку искаху в мертвых Бессмертнаго,
и радость благовещения от Ангела приемшя, апостолом возвещаху: яко воскресе
Христос Бог, подая мирови велию милость. |
| Чтец: | Вольною и животворящею Твоею смертию, Христе, врата адова сокрушив яко Бог, отверзл еси нам древний рай, и воскрес из мертвых, избавил еси от тления живот наш! |
| Хор: | На небо очи мои возвожу, к Тебе, Слове: ущедри мя, да живу Тебе! Помилуй нас, уничиженных, устрояя благопотребныя Твоя сосуды, Слове! |
|
Слава, и ныне:
|
|
| Хор: | Святому Духу, всякая всеспасительная вина, аще коему Сей по достоянию дхнет, скоро вземлет от земных, восперяет, возращает, устрояет горе. |
| Хор: | Аще не Господь бы был в нас, никтоже от нас
противу возмогл бы вражиим бранем одолети: побеждающий бо от зде возносятся.
Зубы их да не ята будет душа моя, яко птенец, Слове: увы мне, како имам
от врага избыта, грехолюбив сый! Слава: Святым Духом обожение всем, благоволение, разум, мир и благословение: равнодетелен бо есть Отцу и Слову. И ныне: тойже. |
|
Антифон 3-й:
|
|
| Хор: | Надеющиеся на Господа, врагом страшни, и всем
дивни, горе бо зрят. В беззакония рук своих, праведных жребий, помощника
Тя имея, Спасе, не простирает. Слава: Святаго Духа держава на всех: Емуже вышняя воинства покланяются со всяким дыханием дольным. И ныне, тойже. |
